Musihkka 4
Musihkka lea sámegiella oahppobuvtta mánáidskuvlii. Musihkka 4 lea goalmmát oassi oahppobuktaga ráiddus. Dat gokčá ovttas Musihkka 3:in gealbomihttomeriid maŋŋá 4. luohkká.
Máttasámegiela oahpponeavvu sámegiella nubbingiellan, sámegiella 4-oahppoplána mielde
Eeremes saemiestidh 2 lea máttasámegiela oahpponeavvu mii heive joatkkaskuvlla oahppiide ja maiddái ollesolbmuid oahpahussii.
Mii mu namma lea?
Mus ii leat namma, lean dušše lohku
Lieđđevággi lea garra, muhto maiddái guoskkahahtti ja poehtalaš romána ráhkisvuođa, olmmáivuođa ja morraša birra – ja movt lea eallit servodagas gos ii oktage huma sin birra geat leat vádjolan.
Gággi 1–4 digitálagirjjit
Fraseologismmat sámegielas dárogillii
Fraseologi applikašuvnnas leat lagabui 1100 sámegiel fraseologismma (idioma). Dát leat fásta dadjanvuogit ja dajaldagat mat mearkkašit dihto ášši.
Bargojoavku lea válljen Sámi girjjálašvuođas teavsttaid main systemáhtalaččat lea čoaggán fraseologiijaid dahje fásta dadjanvugiid ja jorgalan daid dárogillii. Gáldun leat geavahan Konrad Nielsena sátnegirjjiid ja čáppagirjjálašvuođa, mas lea árbevirolaš giella. Dadjanvuogit mat leat dábálaččat árgabeaivvis, leat mielde.
Sirkus boahtá! Man somá!
Elsa ja Jovnna nu ilosmuvvaba go fuomášeaba ahte sirkus lea boahtime gillái. Vuordiba ahte vuordiba beaivvi goas sirkusdoalut galget, dego livččiiga duhát jagi vuordán. Go viimmat sirkusbiillat jovdet ja sirkustealttát ceggejuvvojit, de ferteba ovttatmano sihkkelastit geahččamin. Oh, kloavnnat, amas eallit ja lášmadis olbmot. Man somá!
Geasseijabeaivváš ja liehmus ijat
Viimmat fargga geasseluopmu. Sáhttá go šaddat buoret go navddašit jietnagirjji geasseija beaivvážis? Edel Marit Gaino Dološ balddonasat gávdno dál jietnagirjin. Son ieš lohká muitalusaid. Jus leaččat gal čeahppi iežat baldit, de it berreše guldalit girjji jus lea biegga ja arvvesdálki.
#giellaspáiddar 2 almmuhuvvon
Buot golbma oasi: girji, digitála girji ja neahttaresursa almmuhuvvon
- girji fágasisdoaluin, valjis bargobihtát ja teavsttat iešguđet šáŋŋeriin
- digitála girji mas sisdoallu lea lohkkon jietnafiilan, ja mas leat liigeresurssat (brettboka.no)
- neahttaresursa mas leat lassiteavsttat, bargobihtát ja oahpaheaddjirávvagat (kunnskap.no)
#giellaspáiddar 2 lea oahpponeavvu joatkkaskuvlla 2. jagi ohppiide geain lea davvisámegiella vuosttašgiellan. Oahpponeavvu čuovvu Fágaođasmahttin 2020 oahppoplána ja heive sihke studerenráhkkanahtti ja fidnofágalaš oahpposurggiide.
Máttasámegiela oahpponeavvu sámegiella nubbingiellan, sámegiella 4-oahppoplána mielde
Eeremes saemiestidh 2 lea joatkka Eeremes saemiestidh 1-girjái.
Girji heive joatkkaskuvlla ohppiide ja maiddái ollesolbmuid oahpahussii.
Girjealmmuheapmi/-kafeá Sámedikki girjerádjosis
Anne Olli: Siesá biigá-romána
Maŋŋebárga 14.05.2024
Dii. 18.00–19.30
Sámedikki girjerádjosis
Anne Olli.
Govvidan: Anne May Olli
Girječálli muitala girjji birra ja lohká oasážiid.
Gáfestallan ja ságastallan girjji birra.
Nammačállin ja girjevuovdin.
Bures boahtin!
Siesá biigá
Siesá biigá románas muitaluvvo váivves ja imašlaš dáhpáhusaid birra maid Káre vásiha Biret siesá dálus ja dan boares návehis, go son lea siesás biigán geasseluomus.
Imašlaš ja váivves dáhpáhusat balddihit Káre ja go son beassá diehtit ahte guovllus gávdno buorideaddji, Piera gii lea olu badjel 90 jagi, de son bivdá Pieras veahki beassat eret baluiguin.
Sáŋgárat ja skealmmat Sámis
Suoládeapmi-romána govvida riiddu gaskal buori ja bahá dakkár vugiin man mii hárve oaidnit ollesolbmuid girjjálašvuođas.
Maid dadjet? 1
Maid dadjet? girji lea oaivvilduvvon doarjjan fágas sámegiella nubbingiellan, ja oahppit besset stohkosiid, spealuid, lávlagiid ja eará doaimmaid bokte ságastallat sámegillii sihke gaskaneaset ja oahpaheaddjiin.
Gággi 4 bargogirji
Gággi lea oahpponeavvoráidu mánáidskuvlla ohppiide geain lea davvisámegiella nubbingiellan.
Gággi 4:žis lea oahppigirji gullevaš bargogirjjiin. Bargogirjjis leat máŋggalágan hárjehusat oahppigirjji lohkanteavsttaide ja giellaohppui mat ovddidit oahppanhálu, lohkangelbbolašvuođa/-máhtu ja njálmmálaš gulahallama.
Gággi 4
Gággi lea oahpponeavvoráidu mánáidskuvlla ohppiide geain lea davvisámegiella nubbingiellan.
Gággi 4 lohkangirji lea juhkkojuvvon fáttáid mielde kapihttaliidda. Juohke kapihtal álggahuvvo oahppanulbmilliiguin ja doahpagiiguin ja cealkagiiguin maid das galgá oahpahallat. Kapihttala loahpas lea kulturoassi.
Gággi 3 bargogirji
Gággi lea oahpponeavvoráidu mánáidskuvlla ohppiide geain lea davvisámegiella nubbingiellan.
Gággi 3 bargogirjjis leat máŋggageardán hárjehusat Gággi 3 oahppigirjji fáttáide. Girji lea juhkkojuvvon fáttáid mielde.
Gággi 3
Gággi lea oahpponeavvoráidu mánáidskuvlla ohppiide geain lea davvisámegiella nubbingiellan.
Gággi 3 lohkangirji lea juhkkojuvvon fáttáid mielde kapihttaliidda. Juohke kapihtal álggahuvvo oahppanulbmilliiguin, doahpagiiguin ja cealkagiiguin maid das galgá oahpahallat. Kapihttala loahpas lea kulturoassi.
Huo-oooo, huo-oooooooo
Manne gumpe holvu? Manne gumppet ellet valvviin, ja manne muhtumin sáhttet beakkehit oktonas vánddardeaddji gumppet? Lea go gumpe váralaš? Ollu gažaldagaide soaittát oažžut vástádusaid ođđa girjjis gos oahpásmuvvat gumpevielpái Vilgii.
Gággi 2
Gággi lea oahpponeavvoráidu mánáidskuvlla ohppiide geain lea davvisámegiella nubbingiellan.
Gággi 2 lea ivdnás ovttagearddegirji mas leat álkkes tevdnen-, lohkan- , čállin- ja njálmmálašhárjehusat iešguđet fáttáide. Juohke fáddá álggahuvvo oahppanulbmiliiguin.
Girjealmmuheapmi
Nieguin nieiddaid niegut
Davvi Girji almmuha girjji Litteraturhuset, Bernes-salenis Oslos
Bearjadaga 27.10.2023 dii. 1800. Nuvttá doalut. Buresboahtin.
Girjjiin Nieguin nieiddaid niegut addá girječálli Karen Anne Buljo, jiena nissonolbmuide vai sin muitalusat ja vásáhusat eai galgga čihkkojuvvot, jávkat eai ge vajálduvvot.
Musihkka 3
Musihkka 3 lea sámegiella oahppobuvtta mánáidskuvlii. Musihkka 3 lea nubbi girji oahppobuktaga ráiddus.
Dát gokčá ovttas Musihkka 4:in gealbomihttomeriid maŋŋá 4. luohkká.
Ođđa mánáidgirji mas leat luođit
Elle Minná ja Čebo leaba murjet vuolgimin. Soai oaidniba ealgga, mii suorganemiin ruohttá njuolga muora njeaiga. Lihkus lea Elle Minnás ráđđi mo ealgga oažžut fas julggiid ala.
Go sevnnjodišgoahtá, de vuolgiba ruovttu guvlui lossa muorjelihtiiguin. Ilgadis holvun gullogoahtá. Mo galgaba dál dearvan ruoktot joavdat?
Gággi 1
Gággi lea sámegiella nubbingiellan sámegiella 2 oahpponeavvuráidu mánáidskuvlii.
Gággi 1 lea vuosttaš oassi oahppobuktaga ráiddus. Dat gokčá ovttas Gággi 2:in sámegiela nubbingiellan ML20s gelbbolašvuođa mihttomeriid maŋŋá 2. jahkeceahki.
Musihkka 1–2
Musihkka lea sámegiella oahppobuvtta mánáidskuvlii. Musihkka 1–2 lea vuosttaš oassi oahppobuktaga ráiddus. Dát gokčá gealbomihttomeriid maŋŋá 2. luohkká.
Musihkka oahpponeavvoráiddus govviduvvojit sámi árbevirolaš barggut ja sámiid girjás luondu ja kultuvra.
Luoitte mu
Ánnás lea sámi eadni ja durkalaš áhčči. Son lea earálágan go earát luohkás ja earálágan go iežas buoremus ustit.
Girječálli Mary Ailonieida Sombán Mari ja govvasárgu Sissel Horndal leaba nominerejuvvon Davviriikkalaš Ráđi Mánáid- ja nuoraid 2023 girjjálašvuođabálkkašupmái
Arvedávgeriikii lea nominerejuvvon buoremus Davviriikkalaš Ráđi Mánáid- ja nuoraid girjji 2023 bálkkašupmái.
Dál de buollá feasta!
Dáppe gos mii orrut, lea buot diŋggain ivdni, muhto makkár bat ivnniid luohti lea?
Vuolgge fárrui, mii vuolgit fitnat ivnniid riikkas; Arvedávgeriikii gos ijain, musihkas, luođis ja karamelláin leat visot arvedávggi ivnnit.
Hamburgerprinseassa – Eallá dušše oktii
«Ii dát lean dábálaš eahket, dát lei dat maŋimuš eahket goas buot lávii leat dábálaš ja oadjebas. Dat eahket go buot rievddai. Mu eallin rievddai ja eadni šattai amasolmmožin.»
Aistton! 1 digitálagirji
Dál lea joatkaskuvlla ohppiide geain lea sámegiella nubbingiellan almmuhuvvon digitálagirji Brettboka.no neahttaportálii.
Ábas 1 digitálagirji
Ábas lea oahpponeavvoráidu nuoraidskuvlla ohppiide geain lea davvisámegiella nubbingiellan.
Ábas digitála girjjiin leat teavsttat lohkkon jietnafiilan ja girjjiin leat maid lassiresurssat.
Girjjit leat juhkkojuvvon fáttáid mielde kapihttaliidda. Juohke kapihttal álggahuvvo oahppanulbmiliiguin ja ságastallamiin kapihttala fátta birra. Juohke kapihttala loahpas lea ohppiide iešárvvoštallan logga. Girjjiin leat iešguđetlágán lohkanteavsttat, ja njálmmálaš ja čálalaš hárjehusat deattuhuvvojit.
#giellaspáiddar 1 digitála girji
#giellaspáiddar 1 digitála girji lea oahpponeavvu joatkkaskuvlla 1. jagi ohppiide geain lea davvisámegiella vuosttašgiellan.
Fágasisdoallu ja ovdamearkateavsttat leat lohkkojuvvon jietnafiilan, ja girjjis leat maid lassiresurssat.
Girji čuovvu Fágaođasmahttin 2020 oahppoplána ja heive sihke studerenráhkkanahtti ja fidnofágalaš oahpposurggiide.
Sáŋgárat ja skealmmat Sámis
Suoládeapmi-romána govvida riiddu gaskal buori ja bahá dakkár vugiin man mii hárve oaidnit ollesolbmuid girjjálašvuođas.
Čále fal!
200 evttohusa, cavgileami ja álggu dutnje guhte liikot, ráhkistat dahje muđui háliidivččet geahččalit čállit!
Duodji Reader
Guoktenuppelot čállosa duoji birra sámi duojáriid ja dutkiid bokte maŋimus 60 jagis.
Girjepresentašuvdna
Elin Sandvik Ale vuollán fal!
| Goas | 23.11.2021 17.30–19.00 |
| Gos | Kárášjoga girjerádju / Karasjok Bibliotek Fitnodatgeaidnu 39, 9730 Kárášjohka |
Ságastallan girječálli Elin Sandvikain ja lohkan Ale vuollán fal!-girjjis.
Muitalus borasdávdabuohcci birgemis ja dávdda vuostái doarrumis, buohcuvuođa alggus gitta dearvvašmuvvamii ja áigái dan maŋŋá.
BURESBOAHTIN!
Johkafanas-plakáhta
Sámi giellavahku oktavuođas lea Davvi Girji almmuhan Johkafanas-plakáhta.
Johkafanas-plakáhta lea vuogas seaidnái heŋgestit, muhto seammás dat oahpaha fanasnamahusaid.
Davviriikkalaš Ráđi bálkkašumi vuoitit almmuhuvvojit 02.11.2021
Geahča njuoggosáddaga 02.11.2021 dii. 20.00 ahte vuoitágo Inga Ravna Eira Davviriikkalaš Ráđi girjjálašvuođa bálkkašumi, ja vuoitiba go Kirste Paltto ja Laila Labba Davviriikkalaš Ráđi Mánáid- ja nuoraid girjjálašvuođa bálkkašumi.
Davvisámi-suoma sátnegirji
Pohjoissaame-suomi sanakirja
Davvisámi-suoma sátnegirjjis leat sullii 52 800 ohcansáni ja valjis ovdamearkkat eanas ohcansániid atninvugiin.
Dát sátnegirji lea viiddiduvvon veršuvdna Pekka Sammallahti sámi-suoma sátnegirjjis mii ilmmai 1989.
Pohjoissamme-suomi sanakirjassa on hakusanoja noin 52 800, ja useimpien käyttöä valaistaan esimerkein.
Tämä sanakirja on laajennettu versio Pekka Sammallahden vuonna 1989 ilmestyneestä saamelais-suomalaisesta sanakirjasta.
#giellaspáiddar 1
#giellaspáiddar 1 lea oahpponeavvu joatkkaskuvlla 1. jagi ohppiide geain lea davvisámegiella vuosttašgiellan. Girji čuovvu Fágaođasmahttin 2020 oahppopána ja heive sihke studerenráhkkanahtti ja fidnofágalaš oahpposurggiide.
Čoalkkehii uksii!
Sárá, Sunná, Ovllá ja Jánoš ledje oađđimin go juoga čoalkkehii uksii. Sii gulle olbmuid olggobealde. Politiija lea olggobealde ja dáhttu muhtuma sis mannat geahččat leat go amas olbmot kealláris. Sunná ja Jánoš manaiga keallárii. Sunná dohppestiivel šluppoha mielde. Muhto doppe ii lean mihkkege.
Skeaŋkavuorbádeapmi
Davvi Girji lea 16.06.2021 vuorbádan oahpponeavvočálliid gaskkas moadde skeaŋkka maid skeŋket giituin go min lágádusa ovddas čállet oahpponeavvuid.
Atte mánáide somás geassevásáhusa mas ohppet
Min fitnodat čeavlájit doarju Forskerfabrikkens Sommerlab mii lágiduvvo vihtta beaivve geasseluomus.
Máilmmi girjebeaivi – várre áiggi e-girjjiide
Girjebeaivi čalmmustahtto jahkásaččat cuoŋománu 23. beaivve. Davvi Girjjis leat olu e-girjjit gávdnomis neahttagirjegávppiin ja bohtet dađistaga eanet. Sáhtát maid iežat girjerádjosis gulaskuddat e-girjjiid birra.
Kirste Paltto ja Laila Labba (ill.) leaba nominerejuvvon Davviriikkalaš Ráđi mánáid- ja nuoraid 2021 girjjálašvuođa bálkkašupmái
Jođašeaddji násti lea nominerejuvvon Davviriikkalaš Ráđi mánáid- ja nuoraid 2021 girjjálašvuođa bálkkašupmái.
Kirste Paltto lea čállán ođđa imašlaš mátki birra ja dán vuoro Ritni ja Urbán áiguba vuolgit Jođašeaddji nástti mielde jođašit guhkás gomuvuhtii gos orruba njealljeoaivvat stállu ja mánnolakkis.
Laila Labba lea illustreren girjji.
Inga Ravna Eira lea nominerejuvvon Davviriikkalaš Ráđi 2021 girjjálašvuođabálkkašupmái
Gáhttára Iđit lea nominerejuvvon buoremus ollesolbmogirjji 2021 bálkkašupmái.
Govven: Michal Aase / Davvi Girji
Inga Ravna Eira lea geahččalan guorrat luottaid maŋos gávdnan dihtii árvvuid mat jeđđešivčče ja oadjudivčče.
Ádji – Sámi álbmotbeaivvi buđaldeamit
Itgo dieđe maid mánáide muitalit Sámi álbmotbeaivvi birra?
Mis lea Ádji – Sámi álbmotbeaivvi buđaldeamit skáhppu, mas leat 30 buđaldeami ja lávlaga. Koarttain leat ivdnás govat mat govvidit juohke buđaldeami.
Gielladåjma ÁGÅRIJ
Árra giellaåvddånime registrierim – bæjválasj aktan dåjman
Mánájgárde rámmaplána milta galggi sáme máná mánájgárdijn oadtjot dårjav nannitjit ja åvddånahtátjit ietjasa gielav.
Gïeledarjomh MAGE:se
Maanaj aareh gïeleevtiedimmie – biejjieladtje ektiebarkosne
Maanagïerten mieriesoejkesjen mietie saemien maanagïertemaanah edtjieh dåarjoem åadtjodh sijjen gïelem vaarjelidh jïh evtiedidh.
Fra viddas idyll til slagmarken
– 1939 borgemánu gaskkamuttu loahpahuvvui mu bálvalusgeatnegasvuohta ja sáhtten vuolgit ruoktot Guovdageidnui. Muhto 1940 giđa ledjen fas Altagårdas dievas militearagárvvuid siste. Dál in lean boahtán dohko stullama dihte, dál ledjen boahtán ráhkkanan dihte soahtái!
Somás ja gelddolaš lihkadandoaimmat – ja muitalusat
Boađe, searvva don ge!-girjái leat čohkkejuvvon iešguđetlágán gelddolaš ja somás lihkadandoaimmat ja lihkadanmuitalusat maid lea álki mánáidgárddis lágidit, muhto maiddái ruovttuin.
Oahpponeavvu jietnademiid hárjehallat
Davvisámegiel jietnadanlágit bagadallangihppa mas leat čilgehusat ja rávvagat jietnadanlágiid koarttaide ja davvisámegiel jietnademiide.
Jietnadanlágiid koarttaiguin leat govat davvisámegiel jietnadanlágiin ja daid gullevaš bustávat.
Ođđa sámegiella 2 oahppogirji
Ábas 1 lea 8. jahkeceahki oahppogijri Ábas oahpponeavvoráiddus. Ábas oahppigirjjit leat juhkkojuvvon fáttáid mielde kapihttaliidda. Juohke kapihttal álggahuvvo oahppanulbmiliiguin ja ságastallamiin kapihttala fátta birra. Kapihttala loahpas ges lea logga mas árvvoštallat iežat oahppama.
Guovssu sitt nordlys
Girji lea ostojuvvon Norgga Kulturráđi sisaoastinortnegii 2020
Guovssu sitt nordlys (Guovssu guovssahasat) lei nominerejuvvon buoremus nuoraid- ja mánáidgirjin 2020 bálkkašupmái.
Sámegiel applikašuvnnat mánáide
Mu iežan rumaš
Mu iežan rumaš-applikašuvnna bokte mánát ohppet rumašdoahpagiid ja dovdat rupmaša, ja dat lea buorre vejolašvuohta ahte mánáin šaddá nanu rumašlaš iešdovdu ja eaiggátvuođadovdu iežas rupmašii.
Dát sáhttá leat ávkin eastadit seksualalaš illásteami.
Mu erenomáš gullu
Mu erenomáš gullu-applikašuvnnas mánná oahppá earuhit jienaid ja čatnat jienaid govaide, muhto maiddái hárjehallat muittu.
Steažžaleaddji Sámmol
«Okta nubbi namma čurvojuvvo. Sámmola juolgesuorpmat roaŋkkagit, ja lášmmohallanskuovat baskot. Vaikko son lea hárjánan válljejuvvot maŋimužžan, de sus álo šaddá čoavjebonjahat. Sámmolis lea miella čurvet:
Juovlabuđaldeamit adventii
Gelddolaš ja álkkes buđaldanevttohusat adveantaáigái. Lávles, gáhkkes, duddjos, guldal muitalusaid …
Ale vuollán fal!
… lea girjji namma, muhto maiddái čálli čuoládat maŋŋá go doavttir attii sutnje dan sávakeahtes dieđu.
Arne Svingen nuoraidromána davvisámegillii
Didrik moriha go gullá huikasa. Son lihkká, mahkaluššá. Jurddaša áhpegalbarihciid birra. Son dovdá man galbamsat láhttefiellut leat. Muhtun huiká heađis vuollin. Didrik viežžá áhči revolvera, ja njiedjagoahtá tráhppacehkiid mielde stohpui.
Ođđa nohkkadahtti girji mánáide
Tráktor Alex vuolgá vuojašit muossedis ja hávskes mátkái gos dat deaivá ustibiid, geat veahkehit muossánit ja nohkkat njálgát.
Ládjogahpir
– Máttáráhkuid gábagahpir / The Foremothers’ Hat of Pride
Sámi nissoniid bivnnut ja čalbmáičuohcci gahpir – gildojuvvon, vajáldahttojuvvon ja jávkan.
A popular and arresting Sámi women’s hat – forbidden, forgotten and disappeared.
Mo Guoládaga sámit geavahedje šattuid biebmun ja dálkkasin
Dát lea fáddágirji das mo Guoládaga sámit leat árbevirolaččat geavahan ja ain geavahit šattuid biebmun, dálkkasin dahje eará láhkai.
Karen Anne Buljo lea nominerejuvvon Davviriikkalaš Ráđi 2020 mánáid- ja nuoraid girjjálašvuođabálkkašupmái
Guovssu guovssahas lea nominerejuvvon buoremus nuoraid- ja mánáidgirjin 2020 bálkkašupmái.
Guovssu guovssahas lea gelddolaš sámi myhtalaš muitalus «dan váralaš čuovgga» birra.
Sámi Siidda bearrašii gullet áhčči ja eadni ja mánát Joret, Risten ja unnavieljaš Guovssu. Mánát báhcet eahkes goahtái, go eatniguovttos áhčiin vuoddjába fitnat ealu luhtte. Mánát leat gildojuvvon mannat olggos eaige ožžon luoitit goahtái geange gean eai dovdda.
Ingá Elin Marakatt debutere nuoraidrománain Sáve Sápmi
Mii oahpásmuvvat 12-jahkásaš Sávii ja Nilsai geat orruba Ađevuomis. Dáppe deaivvada sámi árbevirolaš eallin ođđa áiggiin. Fáhkkestaga ii mihkkege leat dego dábálaččat unna gilážis go eadni šaddá barggu haga. Geatki borrá sin bohccuid ja dat muohttá eanet go goassege ovdal. Mo bohccot galget dálvvi birget? Sáve eatnis, Ellen Marizzas, leat fas sosiála mediat, Youtube ja bloggen váldán badjel su eallima. Sáve sávvá ahte visot galggašii šaddat dego dábálaččat fas. Muhto dat šaddá dušše vel vearrát.
Gelddolaš romána nuoraide
Oahpásmuva William Wentoniin – máilmmi buoremus kodačoavdi. Son dušše ii dieđe dan vuos …
Buorre ođđa lohkanjagi!
Gávnnat maid eará girjjiid min neahttagávppis.
Ođđa nohkkadahtti girji mánáide
Elle Elefánttaš manná imašlaš vuovddi čađa nahkáriid oččodit. Váccidettiin oađđinsadjái deaivá iešguđetlágan máinnasoruhiiguin.
Reálafágaid sánit sáme- ja dárogillii
Reálafagatearpmat lea applikašuvdna masa leat čohkkejuvvon reálafágaide guoskevaš sánit sihke dáro- ja sámegillii. Dat lea veahkkeneavvu mii ovddida sámegiela geavahusa fágagiellan sihke oahppamis ja muđui. Maiddái giellabargit, dulkkat ja sii geat leat oahppamen sámegiela, ožžot ávkki dás.
Ođđa oahpponeavvut / Ođđa oahpponævvo / Orre learovierhtie
- Árbevirolaš máhtu fáddágirjjit
- Álkkeslåhkåmgirje
- Teemagærja-seerijisnie eatnemen bïjre
Sámi oahppogirjjit digitálan
Davvi Girji fállá sámegiel oahppogirjjiid eGirjin. Dál sámi oahppit ja oahpaheaddjit sáhttet dihtoris ja neahttabreahtás logadit sámegiel oahppogirjjiid. Lassin sáhttet oahppogirjjiide notáhtaid čállit, merket teavstta ja ohcat doahpagiid. Oahpaheaddji ges sáhttá oahppogirjji geavahit távvalgirjin.
Skuvllat ostet BrettBoka-portálas liseanssa oahppogirjái maid dárbbašit.
BrettBoka-portálas leat lágádusaid oahppogirjjit digitálan. Oahppogirjjiid sáhttá geavahit neahtas dahje neahta haga.
Geađgeloddi
Risten Sokki girddaša ja gevleda iežas Geađgeloddi-noveallačoakkáldagain njuollabissus Sámediggái, spiilesta gumppenáhki seaidnái, cuvke geađgelotti, čakčamáná árkkalmastá, garuha daid biro adjektiivvaid. De ges galleda guolleádjá nieidda ja loktana Aurora Borealisa vuollái ovdal go de luoitáda Gassanjárgga máddagii, imašta Poasta-Hánssa páhka ja niegada Állegeađggi.
Ođđa giellaapplikašuvdna mánáide
Oahpahala mánáiguin davvisámegiel bustávaid, sániid ja sátneluohkáid jienaid ja govaid bokte.
Ráhkkanahte mánáid skuvllaálgimii, ja heive maiddái smávvaskuvlii.
Almmálaš sarvvabivdu mii ii goassige noga
Sámi almmi máidnasat lea girjjáš speallankoarttaiguin nástealmmi ja dan ihtagiid birra. Stuorra sarvva bivdu lea girjjáža váldomuitalus. Dáinna girjjážiin ja koarttaiguin mii háliidat dahkat dovddusin sámi nástealmmi go dat han lea áibbas eará go eará álbmogiin mat birastahttet min. Girjjážis leat dieđut ja máidnasat sámi nástealmmi birra, ja spealaiguin oahppá namaid ja ihtagiid sámegillii. Dát koartaspealla dahká sámiid nástealmmi dovddusin somás vuogi mielde, namalassii árbevirolaš koartaspeala bokte.
Nohkkadahtti girji mánáid várás
Kalle Kaniidna lea váiban, muhto nahkárat eai rohtte. Dalle mannaba eadni ja Kalle Gávas-eagi lusa oažžut veahki. Son oainnat máhttá buohkaid nohkkadit!
Ođđa giellaapplikašuvdna mánáide
Giellagiisá mánáide
Oahpahala mánáiguin davvisámegiel bustávaid, sániid ja sátneluohkáid jienaid ja govaid bokte.
Lieđđi Sámecus
Lieđđi Sámecus girjjis leat gávcci novealla ollesolbmuid várás.
Dán noveallagirjjis lea Kirste Paltto fas govkestan iežas sámi mytologiija, myhtaid ja muitalusaid ártna, man lea geavahan vuođđun dan gávcci novellii maid lea čállán ollesolbmuid várás.
Vierus mielde Kirste Paltto čehpedit gieđahallá iešguđetlágán dehálaš servodatfáttáid iežas noveallainis.
Karen Anne Buljo lea nominerejuvvon Davviriikkalaš Ráđi 2019 mánáid- ja nuoraid girjjálašvuođabálkkašupmái
Šiellaspeajal lea nominerejuvvon buoremus mánáid- ja nuoraidgirjji 2019 bálkkašupmái.
Govva: Marie Louise Somby, Árvu
Karen Anne Buljo čájeha iežas dáiddalaš čehppodaga divttaidis bokte maiguin govahallá myhtalaš fuođđuid, ja lea daidda čadnan diiddaid. Čálli lea gudnejahttán iežas guovlluid ja olbmuid ja govve ráhkesvuođa beliid divttaidis bokte. Earamuđui lea son čállán eksistensiálalaš divttaid ja dáid bokte govve son ges beliid olbmuid gaskavuođain. Son stoahká sániiguin ja alitterašuvnnaiguin.
Inga Ravna Eira lea nominerejuvvon Davviriikkalaš Ráđi 2019 girjjálašvuođabálkkašupmái
Ii dát leat dat eana lea nominerejuvvon buoremus ollesolbmogirjji 2019 bálkkašupmái.
Govven: Michal Aase / Davvi Girji
Inga Ravna Eira diktačálus Uksáhká čuorvuma birra Beaivváža, dahje eatnama mánáide, geat eai oro gullamin šat. Son lea boahtán eatnamii, ii ge son dovdda eatnama šat nu mo oktii lei.
Gággi ja Giellabálggis oahppogirjjit vuorkkás
Dál leat fas Gággi 3–5 ja Giellabálggis 5 oahppogirjjit vuorkkás!
Álkkeslåhkåmgirje julev- ja oarjjelsámegiellaj
Aelhkie lohkemegærjah julev- jïh åarjelsaemien gïelesne
Davvi Girji la almodam álkkeslåhkåmgirjijt dásijda 6–7.
Davvi Girji lea aelhkie lohkemegærjah bæjhkoehtamme daltesasse 6–7.
Rauna Paadar-Leivo ja Jovnna-Ánde Vest 40 jagi girječállin
Davvi Girji sávvá Raunai ja Jovnna-Ándii lihku ávvujagiin. Čálli guovttos leaba almmuhan moanaid girjjiid dáid jagiid áigge. Rauna maŋimuš girji Vuoi dan Kárenina ilmmai 2000:s. Jovnna-Ándde maŋimuš romána Anton ja Álgen ges ilmmai 2015:s. Dat lea vuosttaš girji Astrida gilvvagárdi guovtti románas. Goappáge čállis leat ođđa girjjit boađi-boađi.
Duohtavuohta! – duohtavuođa ja giellásiid birra eallimis ja girjjálašvuođas
Finnmárkku riikkaidgaskasaš girjjálašvuođafestivála – Finnlitt – lágiduvvo Álttás 31.10.–3.11.2108.
Máŋgalot oasseváldiid searvvis leat maiddái golbma čálli Davvi Girjjis: Karen Anne Buljo, Inghilda Tapio ja Inga Ravna Eira.
Ii dát leat dat eana
Ii dát leat dat eana lea Inga Ravna Eira diktačálus Uksáhká čuorvuma birra Beaivváža mánáide dahje eatnama mánáide, geat eai oro gullamin šat. Son lea boahtán eatnamii ja son ii dovdda eatnama nu movt oktii lei.
Ođđa oahppobuvtta gaskadássái
Giellabálggis giellagirjjis 7. ceahkkái leat teavsttat, govat ja ovdamearkkat mat addet ohppiide obbalaš áddejumi giellafáttáin.
Kapihttalat álggahuvvojit ulbmiliin mat leat oahppoplána gelbbolašvuođa mihttomearit.
Kapihttalat loahpahuvvojit «Máhtátgo?»-bihtáiguin.
Daid bokte besset oahppit reflekteret ja árvvoštallat iežaset máhtu ja leat go juksan ulbmiliid kapihttaliin.
Gullevaš bargogirjjis Giellabálggis 7 bargogirjjis leat ges bargobihtát giellafáttáide mat leat Giellagirjji 7 girjjis.
Girjái besset oahppit njuolga čállit.
Lohkan- ja giellagirjjit vuorkkás!
Dál leat fas Táhppán Siun ja Ulun Dulun lohkan- ja giellagirjjit vuorkkás!
Táhppán Siun ja Ulun Dulun oahppobuktagat gokčet Sámegiella vuosttašgiellan gelbbolašvuođamihttomeriid maŋŋá 4. ceahki.
Ođđa álkes lohkangirjjážat lohkanhárjehallamii
Davvi Girji lea buvttadan álkes lohkangirjjážiid Lohkanfieski dássi 2–3:žii, dássi 6–7:žii, dássi 8–9:žii, dássi 10–11:žii ja dál vel 4–5:žii.
Oahpes máidnasat mánáide
Ádji – Máinnasteapmi-skáhppui leat čohkkejuvvon 28 oahpes sámi máidnasa čáppa ivdnás govaiguin.
Šiellaspeajal
Girjjis leat 65 divtta davvisámegillii.
Eanaš oassi divttain leat myhtalaš divttat maidda čálli lea čadnan diiddaid. Girjjis leat maiddái gudnejahttin divttat, ráhkisvuođa divttat ja eará eksistensiála divttat. Lassin leat vel sátnestoahkamat ja stoahkamat allitterašuvnnain.
Áige – Jeaggejávrri čiekŋalasat
Jeaggejávrri čiekŋalasat lea fantasiijamuitalus Áigge mátkkis sámi mytologiija máilmmiin. Muitalus doalvu lohkki čuovvut Áigge gilvvohallama giđđabeaivváža vuosttaš suotnjariin ja go Áige buokčala Sáivomáilbmái ohcat mánnávuođa ustiba. Mátki ovdána bures go Áigges lea ovdamunnin dat ahte son nu bures dovdá gopmiid, skáimmadasaid ja eará fápmooruhiid.
Kultursensitiiva sámi skuvla
Kultursensitiiva sámi skuvla guorahallá sámi skuvllaid oahppama lágideami kultursensitiiva oaidninvuogis. Girji ovdanbuktá ja čilge vuđolaččat kultursensitiivva sámi skuvlla dutkamuša ja buktá ovdan dutkanbohtosiid.
Aelhkie lohkemegærjah lohkemehaarjanæmman / Álkkeslåhkåmgirjátja låhkåmhárjjidallamij
Davvi Girji lea aelhkie lohkemegærjah dorjeme daltesasse 2–3 julev- jïh åarjelsaemien gïelesne. Davvi Girji aaj aelhkie lohkemegærjah darjoeminie daltesasse 6–7 mah olkese båetieh 2018.
Davvi Girji la almodam álkkeslåhkåmgirjijt dásijda 2–3. Davvi Girji la aj gárvedime álkkeslåhkåmgirjijt dásijda 6–7 ma jagen 2018 almoduvvi.
Kirste Paltto lea nammaduvvon Davviriikkalaš Ráđi 2017 mánáid- ja nuoraid girjjálašvuođabálkkašupmái
Luohtojávrri oainnáhusat
Luohtojávrri oainnáhusat lea nammaduvvon buoremus mánáid- ja nuoraidgirjji 2017 bálkkašupmái.
Govven: Kimmo Pallari. Roifoto
Kirste Paltto lea čehpet čállán máidnasa gándda guovtto Ritni ja Urbán ja sudno gelddolaš mátkki birra Lavssiin. Mátkkis leat olu imašlaš ja somás fearánat.
Gelddolaš fantasiijaromána mánáide
Luohtojávrri oainnáhusat
Máidnasis leat ollu imašlaš dáhpáhusat ártegis fievrruiguin. Don beasat oahpásmuvvat gánddaguovttuin Ritni ja Urbán. Soai beassaba viimmat ijastallat guovttá tealttás. Iđitija de moriheaba ja amas nieiddaš lea ihtán tealtái.
Bearaš beassášbuđaldeamit
Beassážat lahkonišgohtet, ja dá leat muhtun beassášbuđaldeamit Ádji – Beassášbuđaldeapmi skáhpus vižžon.
Ádji – Beassášbuđaldeapmi skáhpus leat 30 iešguđetlágán buđadleami, mat heivejit bures beassážiid ráhkkaneapmái ja buđaldit beassážiid áigge.
