Ii dát leat dat eana
Divttat ollesolbmuide
Ii dát leat dat eana lea Inga Ravna Eira diktačálus Uksáhká čuorvuma birra Beaivváža mánáide dahje eatnama mánáide, geat eai oro gullamin šat. Son lea boahtán eatnamii ja son ii dovdda eatnama nu movt oktii lei.
Son, Uksáhkká, vuorjjastuvvo ja sivahallá eatnama mánáid, go sii han galge fuolahit eatnama. Uksáhká sárdni lea monologa, muhto son bivdala vástádusa eatnama, dahje beaivváža mánáin ovdal go vuolgá.
Son háliida diehtit maid son galggašii cealkit Ráđđejeaddji bearrašii, dan eatnama birra maid sii ledje guođđán eatnama mánáid háldui.
Girječálli Inga Ravna Eira
Govva: Michal Aase / Davvi Girji
Girječálli Inga Ravna Eira lokte girjjistis áigeguovdilis fáttá mii dađistaga šaddá eambbo ja eambbo duohtan eamiálbmogiidda, muhto maiddái olles máilbmái. Sávvamis máilbmi fargga moriha.
Birasáššit ja dálkkádatrievdan lea hui guovddážis odne ja sihke sámit ja eará eamiálbmogat dovdet dálkkádatrievdamiid bures, go dat čuhcet erenoamážit vuođđoealáhusaide.
Mathis Nango lea girjji herven iežas govaiguin.
