Máilmmi girjebeaivi – várre áiggi e-girjjiide

Ovda­meark­kat lágá­dusa e-girj­jiin mat gáv­dno­jit neahtta­girje­gávp­piin. E-girjji sáh­tát viež­žat neahtta­gávp­pis ja álgit loh­kat seam­más, ja nu leage dus álo juoidá maid logat!

Máilmmi girje- ja dahkki­vuoi­gat­vuođa­beaivi (nu gohčo­duv­von Máilmmi girje­beai­vin) čalm­mus­tahtto cuoŋo­mánu 23.b. Dán čalm­mus­taht­tet badjel čuođi riik­kain miehtá máilmmi. Beaivvi ásahii UNESCO 1995:s čalm­mus­taht­tit girjji sajá­daga servo­dagas, girjji ovdan­buk­tin­vuoh­kin, giela­laš ja kul­tuvr­ra­laš gir­jái­vuođa, oahpu ja gula­hal­lama.

Máilmmi girje­beaivvi vuolgga­sadjin leat dološ vie­rut Barce­lonas. Cuoŋo­mánu 23.b. lea seamma beaivvi go Bassi George beaivi, ii ge beaivi leat vál­lje­juv­von soaittá­hagas. Guovde­goddi George lea olu gávpo­giid ja riik­kaid suodja­lus­basse­olm­moš, ee. Barce­lona. Barce­lonas ávvu­dedje Bassi George poesiija­gilv­vui­guin ja dikta­lohka­miin. Ja kul­tur­gávpo­gis Gaska­meara gát­tis lea girje­beaivi ain stuorra ávvu­beaivi, dego álbmot­feasta. Dán beaivvi lea vier­run addit ruvssu ja girjji soapmá­sii gean atná árvvus.

FN-Sambandet neahtta­siidduin sáh­tát loh­kat eanet Máilmmi girje­beaivvi birra.