Inga Ravna Eira lea nominerejuvvon Davviriikkalaš Ráđi 2019 girjjálašvuođabálkkašupmái

Ii dát leat dat eana lea nominerejuvvon buoremus ollesolbmogirjji 2019 bálkkašupmái.

Govven: Michal Aase / Davvi Girji

Inga Ravna Eira diktačálus Uksáhká čuorvuma birra Beaivváža, dahje eatnama mánáide, geat eai oro gullamin šat. Son lea boahtán eatnamii, ii ge son dovdda eatnama šat nu mo oktii lei.

Son, Uksáhkká, fuolástuvvá ja sivahallá eatnama mánáid, go sii han galge fuolahit eatnama. Uksáhká sárdni lea monologa, muhto son bivdala vástádusa eatnama, dahje Beaivváža mánáin ovdal go vuolgá.

Son háliida diehtit maid son galggašii cealkit Ráđđejeaddji bearrašii, dan eatnama birra maid sii ledje guođđán eatnama mánáid háldui.

Mathis Nango lea girjji herven iežas govaiguin.

Inga Ravna Eira

Ássá Kárášjogas. Son lea dál ealáhagas, muhto lea eallinagi bargan oahpaheaddjin. Son lea girječálli, jorgaleaddji ja juoigi

Su vuosttaš girji lei Guovdageainno mánát máinnastit, mii almmuhuvvui 1979:s. Dás rájes lea son almmuhan moaddelot iešguđetlágan buktaga iešguđet šáŋŋeriin.

Inga Ravna lea dasa lassin – ieš dahje ovttas earáiguin – čállán oahpponeavvogirjjiid sihke vuođđo- ja joatkkaskuvlii. Son lea maid jorgalan sihke girjjiid ja teavsttaid sámegillii, muhto maiddái dárogillii.

Sátnedujiid son gal ain almmuha. Sus lea boađi-boađi diktagirji sáme-, dáro- ja eŋgelasgillii: Gáhttára Iđit – Vokterens Morgen – The Guardian’s Dawn.