Boađe, searvva don ge!-girjái leat čohkkejuvvon iešguđetlágán gelddolaš ja somás lihkadandoaimmat ja lihkadanmuitalusat maid lea álki mánáidgárddis lágidit, muhto maiddái ruovttuin.
Psykomotorihkka lea girjji guovddážis. Galgá leat somá lihkadit, sihke smávibuidda ja stuorábuidda.
Ovdaskuvlaoahpaheaddji ja lihkadanpedagoga Stephanie Mertins sávvá dáinna girjjiin inspireret pedagogaid, assisteanttaid ja váhnemiid eanet lihkadit mánáidguin árgabeaivvis.