Ođđa nohkkadahtti girji mánáide

Reálafágatearpmat

Elle Elefánttaš manná imaš­laš vuovddi čađa nah­ká­riid oččo­dit. Vác­ci­det­tiin oađ­đin­sa­djái deaivá ieš­gu­đet­lá­gan máin­nas­oru­hii­guin.

Loga eanet …

Reálafágaid sánit sáme- ja dárogillii

Reálafagatearpmat lea applika­šuvdna masa leat čohkke­juvvon reála­fágaide guoske­vaš sánit sihke dáro- ja sáme­gillii. Dat lea veahkke­neavvu mii ovddida sáme­giela geava­husa fága­giellan sihke oahppa­mis ja muđui. Maiddái giella­bargit, dulkkat ja sii geat leat oahppa­men sáme­giela, ožžot ávkki dás.

Apple App Store
Google Play

Loga eanet …

Ođđa oahpponeavvut / Ođđa oahpponævvo / Orre learovierhtie

  • Árbevirolaš máhtu fáddágirjjit
  • Álkkeslåhkåmgirje
  • Teemagærja-seerijisnie eatnemen bïjre

Loga eanet …

Sámi oahppogirjjit digitálan

BrettBoka-Nettsidemeny

Davvi Girji fállá sáme­giel oahppo­girjjiid eGirjin. Dál sámi oahppit ja oahpa­headdjit sáhttet dihtoris ja neahtta­breahtás logadit sáme­giel oahppo­girjjiid. Lassin sáhttet oahppo­girjjiide notáhtaid čállit, merket teavstta ja ohcat doahpa­giid. Oahpa­headdji ges sáhttá oahppo­girjji geava­hit távval­girjin.

Skuvllat ostet BrettBoka-portálas liseanssa oahppo­girjái maid dárbba­šit.

BrettBoka-portálas leat lágádusaid oahppo­girjjit digitálan. Oahppo­girjjiid sáhttá geavahit neahtas dahje neahta haga.

Geađgeloddi

Risten Sokki girddaša ja gevleda iežas Geađgeloddi-novealla­čoakkál­dagain njuolla­bissus Sáme­diggái, spiilesta gumppe­náhki seaidnái, cuvke geađge­lotti, čakča­máná árkkal­mastá, garuha daid biro adjektiiv­vaid. De ges galleda guolle­ádjá nieidda ja loktana Aurora Borealisa vuollái ovdal go de luoitáda Gassa­njárgga máddagii, imašta Poasta-Hánssa páhka ja niegada Álle­geađggi.

Loga eanet …

Ođđa giella­applika­šuvdna mánáide

Oahpa­hala mánái­guin davvi­sáme­giel bustá­vaid, sániid ja sátne­luoh­káid jienaid ja govaid bokte.

Ráhkka­nahte mánáid skuvlla­álgi­mii, ja heive maiddái smávva­skuvlii.

Loga eanet …

Almmálaš sarvvabivdu mii ii goassige noga

Sámi almmi máidnasat lea girjjáš speallan­koarttai­guin náste­almmi ja dan ihta­giid birra. Stuorra sarvva bivdu lea girjjáža váldo­muitalus. Dáinna girjjá­žiin ja koarttai­guin mii háliidat dahkat dovddusin sámi náste­almmi go dat han lea áibbas eará go eará álbmo­giin mat biras­tahttet min. Girjjážis leat dieđut ja máidnasat sámi náste­almmi birra, ja spealai­guin oahppá namaid ja ihta­giid sáme­gillii. Dát koarta­spealla dahká sámiid náste­almmi dovddusin somás vuogi mielde, namalassii árbe­virolaš koarta­speala bokte.

Loga eanet …

Nohkkadahtti girji mánáid várás

Kalle Kaniidna lea váiban, muhto nahkárat eai rohtte. Dalle mannaba eadni ja Kalle Gávas-eagi lusa oažžut veahki. Son oainnat máhttá buohkaid nohkkadit!

Loga eanet …

Ođđa giella­applikašuvdna mánáide

Giellagiisá mánáide

Oahpahala mánáiguin davvisámegiel bustávaid, sániid ja sátneluohkáid jienaid ja govaid bokte.

Loga eanet …

Lieđđi Sámecus

Lieđđi Sámecus girjjis leat gávcci novealla olles­olbmuid várás.

Dán novealla­girjjis lea Kirste Paltto fas govkestan iežas sámi mytologiija, myhtaid ja muitalusaid ártna, man lea geavahan vuođđun dan gávcci novellii maid lea čállán olles­olbmuid várás.

Vierus mielde Kirste Paltto čehpedit gieđa­hallá ieš­guđet­lágán dehálaš servodat­fáttáid iežas noveallai­nis.

Loga eanet …

Karen Anne Buljo lea nominere­juvvon Davviriikkalaš Ráđi 2019 mánáid- ja nuoraid girjjálašvuođa­bálkkašupmái

Šiellaspeajal lea nominerejuvvon buoremus mánáid- ja nuoraidgirjji 2019 bálkkašupmái.

Inga Ravna Eira

Govva: Marie Louise Somby, Árvu

Karen Anne Buljo čájeha iežas dáiddalaš čehppodaga divttaidis bokte maiguin govahallá myhtalaš fuođđuid, ja lea daidda čadnan diiddaid. Čálli lea gudnejahttán iežas guovlluid ja olbmuid ja govve ráhkesvuođa beliid divttaidis bokte. Earamuđui lea son čállán eksistensiálalaš divttaid ja dáid bokte govve son ges beliid olbmuid gaskavuođain. Son stoahká sániiguin ja alitterašuvnnaiguin.

Loga eanet …

Inga Ravna Eira lea nominerejuvvon Davviriikkalaš Ráđi 2019 girjjálašvuođabálkkašupmái

Ii dát leat dat eana

Ii dát leat dat eana lea nominerejuvvon buoremus ollesolbmogirjji 2019 bálkkašupmái.

Inga Ravna Eira

Govven: Michal Aase / Davvi Girji

Inga Ravna Eira diktačálus Uksáhká čuorvuma birra Beaivváža, dahje eatnama mánáide, geat eai oro gullamin šat. Son lea boahtán eatnamii, ii ge son dovdda eatnama šat nu mo oktii lei.

Loga eanet …

Oktavuohta