Šhiuuuh! Šuuuh! Šhiuuuuuuh!
Čuovggat suotnjarastet buotlágan ivnniin Miá ja Minná birra. Oppa máilbmi sparaida ja roahčá.
Endorriekkis, eallasis girji oappážagaid suohttasiid ja ipmašiid birra
| Tihttel | Endorriekkis |
|---|---|
| Čálli | Liisa Tellervo Helander |
| Ulbmiljoavku | 10–13 jagi |
Miá ja Minná leaba Sámis áhku ja ádjá luhtte geasseluomus.
Áhku ja ádjá stobu olggobealde oaidniba gabba bohcco mii láhtte hui ártegit.
De ovtta beaivvi šiljus dáhpáhuvvá juoidá. Ivdnečuovggat suotnjarastigohtet nieidda guovtto birra nu ahte measta čalmmehuvvaba. Eana sparaida ja roahčá.
Loahpas Miá ja Minná áicaba arvedávggi mii manná njuolga loktaglássaráigge sisa. Ja gabba boazu čuožžu arvedávggi máddagis ja guovlá bajás loktii! Dohko bat soai galgaba mannat?
Mánnávuođa somás ja ártegis vásáhusat šadde girjin
Liisa Tellervo Helander lea bargan sárgun ja hábmejeaddjin 1981 rájis, muhto son lea mánnán jo čálligoahtán divttaid ja muitalusaid, mat leat vurkkoduvvon lođáskábes. Sámi luondu ja mytologiija lea álo geasuhan Liisa ja dál viimmat lea son čállinattáldagaidis heivehan mánáidgirjin.
Muitalusas Miá ja Minná birra mii beassat vásihit suorggahahtti ja geasuheaddji dáhpáhusaid. Mo nu beassaba nieidda guovttos máttaráhku ja máttarádjá mielde Endorvárrái. Mátki dohko manná jagiáigodagaid čađa. Soai deaivvadeaba muhtin áhkuin doppe gii sulastahttá sámedronnega. Dronnet geige nieidda guoktái gollerieggá. Duostaba go dan gal vuostáiváldit?
