Sáŋgárat ja skealmmat Sámis
Suoládeapmi-romána govvida riiddu gaskal buori ja bahá dakkár vugiin man mii hárve oaidnit ollesolbmuid girjjálašvuođas.
Ovccijahkásaš Elsa oaidná go muhtun almmáiolmmoš goddá su čearpmaha. Son áitojuvvo orrut jaska áššis, ja fuobmá ahte su duogáš boktá buolli vaši.
Áitta Elsa vuostá rievdada su agibeaivái, ja sus lea álo bealljebihttá mielde agálaš muittuhussan. Bearaš ja fuolkkit dáistalit vuoiggalašvuođa ovddas, muhto čihkosis heađástuvvet.
Suoládeapmi lea liekkus ja seammás bahča govvádus vajálduhtton oasis Ruoŧas gos olbmot biddjojit vuostálagaid. Bohccot ogohallojuvvojit ja goddojit fasttit, eai ge politiijat dutkka rihkkosiid. Sápmelaččaid ja earáid gaskasaš riiddut mirkkohuhttet buolvvaid buolvvaid mielde.
Augustpris-bálkkašumi vuoiti Ann-Helén Laestadiusa vuosttaš romána ollesolbmuide lea čállon duohta dáhpáhusaid vuođul.
Čálli
Čálli ja journalista Ann-Helén Laestadius, riegádan 1971, lea sápmelaš ja su ruohttasat leat Vuolle Sohpparis. Son lea bajásšaddan Gironis, muhto orru dál Solnas.
Jagi 2007 vuittii son čálusgilvvu ja debuterii nuoraidrománain Smsat Sohpparis. Jagi 2016 ilmmai nuoraidromána Tio över ett, masa juhkkojuvvui August-bálkkašupmi, mánáid- ja nuoraidgirjji kategoriijas. Jagi maŋŋel vuittii son maiddái Norrlándda girjjálašvuođabálkkašumi ja lei geasseságastalli Ruoŧa Rádio P1:is. Suoládeapmi lea su oktanuppelogát girji ja su vuosttaš romána rávisolbmuide.
