Mii mu namma lea?
Mus ii leat namma, lean dušše lohku
Lieđđevággi lea garra, muhto maiddái guoskkahahtti ja poehtalaš romána ráhkisvuođa, olmmáivuođa ja morraša birra – ja movt lea eallit servodagas gos ii oktage huma sin birra geat leat vádjolan.
Son vásihii vuosttaš iešsorbmema go lei golbmanuppelohkái jagi. Ieš háliida hávdáduvvot Tasiilaqa alla váriid gaskii, gos Lieđđevákki hávdeeatnama namahis hávddit leat gokčojuvvon alit, rukses ja guvgesrukses plastihkkaliđiiguin, mat vilges muohttagis bastet čalbmái. Sus lea moarsi gean ráhkista, fuolalaš bearaš ja son lea easka álgán Århusa universitehtii. Máilbmi lea su vuordimin, muhto ii mihkkege oro nugo galgá, ja dađistaga birastišgoahtá seavdnjadas su.
Govven: Angu Motzfeldt
Niviaq Korneliussen (r. 1990) lea Ruonáeatnama stuorra čállinásti. Son lea riegádan Nanortilak-gávpogis máddin Ruotnáeatnamis, ja ássá dál Nuukas. Son čállá iežas girjjiid sihke ruonáeatnan- ja dánskkagillii. Son almmuhii iežas vuosttaš romána, Homo Sapienne, 2014:s (dárogillii 2019, Cappelen Damm). Girji nammaduvvui Davviriikkalaš ráđi girjjálašvuođabálkkašupmái ja Politikens girjjálašvuođabálkkašupmái ja vuvdui 12 riikii. Nuppi girjjiin, Blomsterdalen (Lieđđevággi), vuittii son Davviriikkalaš girjjálašvuođabálkkašumi 2021:s vuosttaš ruonáeatnanlažžan. Son vuittii Bjørnsonprisen 2022:s go lea mielde čalmmustahttimin stuorra servodatváttisvuođa čáppagirjjálašvuođa bokte.
