Geasseluopmu

Gitta 13.7.–7.8.

Diŋgojumit eai doaimmahuvvo 10.7.–18.8.

Karen Anne Buljo lea nominerejuvvon Davviriikkalaš Ráđi 2020 mánáid- ja nuoraid girjjálašvuođabálkkašupmái

Guovssu guovssahas

Guovssu guovssahas lea nominerejuvvon buoremus nuoraid- ja mánáidgirjin 2020 bálkkašupmái.

Guovssu guovssahas lea gelddolaš sámi myhtalaš muitalus «dan váralaš čuovgga» birra.

Sámi Siidda bearrašii gullet áhčči ja eadni ja mánát Joret, Risten ja unnavieljaš Guovssu. Mánát báhcet eahkes goahtái, go eatniguovttos áhčiin vuoddjába fitnat ealu luhtte. Mánát leat gildojuvvon mannat olggos eaige ožžon luoitit goahtái geange gean eai dovdda.


De bohtege amas cirkenjunat mánát ja bállahastaledje muohtačagiid goađi vuostá ja hástaledje ja hárddildedje Sámi Siidda mánáid dassážii go sii fillehadde vuolgit olggos stoahkat, vaikko eatni guovttos áhčiin leigga gieldán sin dahkamis dan.

Unnimus mánná, Guovssu, hárdigoahtá guovssahasa. Guovssahas libardišgoahtá ja njamista álggos vuos unna vielljaža áibmui. Sin beana fuobmái mii dál lea geavvamin ja ruohtastii ealo lusa viežžat váhnenguoktá veahkkin. Eadni fuobmá ahte guovssahas lea ožžon ivnniid ja árvida ahte leaba ribaheamen iežaska mánáid guovssahala háldui. Áhčči njorostallá suohpaniin mánáid gitta. Mánát fertejit gálgat iežaset ivdneliinniid čeabáhis vai besset luovos. Nie oaččui guovssahas ivnniid.

Karen Anne Buljo

Karen Anne Buljo

Girječálli Karen Anne Buljo

Govven: Marie Louise Somby, Árvu

Karen Anne Buljo lea multidáiddár. Son lea sihke čálli, juoigi ja duojár. Mánáidgirjjistis son buktá albmosii lohkkiide ovtta dain sámi árbevirolaš muitalusain guovssahasa birra.

Karen Anne Buljo orru dál Álttás, ja lea čállán mánáidgirjjiid, nuoraidgirjjiid ja jietnateáhteriid sihke mánáide ja ollesolbmuide. Son lea maiddái čállán ja almmuhan diktagirjjiid, ja mátkegirjji. Lassin son čállá oahppogirjjiid.

Oassi su bibliografiijas

Pelle njoammil – Gullogovva
Stephen Borrough – iGirji
Pelle Njoammil – Juovllat Sáttomiellis
Šiellaspeajal

Inga-Wiktoria Påve

Inga-Wiktoria Påve

Govvasárgu Inga-Wiktoria Påve

Govven: Carl Johan Utsi

Inga-Wiktoria Påve (1990) lea bajásšaddan Lannavaaras, unna gilážis davvi Ruotas. Son lea dáiddár ja designár gii barggustis bokte čájeha Sámi kultuvrra vuoiŋŋa ivnniiguin. Sus leat leamaš dáiddačájáhusat iešguđet dáhpáhusain birra máilmmi. Son lea maiddái ráhkadan sárggusfilmma mainna lea ožžon bálkkašumi. Son lea bargan dáidagin jo badjel logi jagi ja son lea čađahan dáiddaoahpu Upmi universitehtas. Guovssu guovssahas lea vuosttas mánáidgirji maid son lea herven govaidisguin.

Liŋka

Oktavuohta