Bures boahtin deaivvadit min ođđa girječálliin Liisa Tellervo Helanderiin ja oahpásmuvvat su vuosttaš mánáidgirjái

– Mu niehku lea ollašuvvan!

Liisa Tellervo Helander lea suoma beale Sámis eret, muhto son lea guhká jo orron Norggas. Son lea álo niega­dan čál­lit girj­jiid, ja dál lea son olla­šuht­tán nie­gus­tis Endorriekkis mánáid­girj­jiin.

Liisa lea háb­men ja illust­reren ollu mánáid- ja skuvla­girj­jiid sámi lágá­dusaide 1990-logu álggu rájes. Sus lea maid már­kan­fievrri­dan- ja oahppo­neavvo­pedago­gihka oahppu, mat leat ávkká­lač­čat su čál­lin­barg­gus.

Čálligođii mánnávuođa muittuid

Muita­lus Endorriekkis-gir­jái riegá­dii go Liisa ja su ustit muitta­šeigga gelddo­laš mánná­vuođa dáhpá­husaid Sámis. Mánná­vuođa cukca­sat šadde gir­jin go Liisa čálli­gođii muit­tuid.

Muita­lusas oap­páš guovt­tos Miá ja Minná joh­tiba jagi­áig­giid čađa mys­tihka­laš Endor­vár­rái. Ii oktage dieđe gos dat lea. Mátk­kis dáhpá­huv­vet hui imaš­laš áššit maid dábá­laš olm­moš illá sáhttá áddet. Endor­váris soai oaž­žuba skeaŋkka sáme­áhkus. Vai leago son sáme­dron­net? Soai jora­hal­laba rieggá suorp­maid gask­kas ja imaš­tal­laba masa­bat dat lea ávkin.

Girji lea čál­lon loh­kan­gir­jin sáme­gie­lat ohp­piide, muhto heive juohke­haž­žii gii liiko loh­kat gelddo­laš cukca­siid birra.