Davvi Girji

Du gálvogore




Du gore lea guorus.

   

Home Ođasarkiiva Kultursensitiiva sámi skuvla
Sami (Norway)
Kultursensitiiva sámi skuvla PDF Čálit
vuossárgga 12. guovvamánu 2018 10:10

Kultursensitiiva sámi skuvla guorahallá sámi skuvllaid oahppama lágideami kultursensitiiva oaidninvuogis. Girji ovdanbuktá ja čilge vuđolaččat kultursensitiivva sámi skuvlla dutkamuša ja buktá ovdan dutkanbohtosiid.

Girji vuođđuduvvvá Pigga Keskitalo doavttigrádadutkamuššii, mii giehtadalai Norgga Sameskuvlla organiserema ja oahppoplána. Dat almmuhuvvui suomagillii 2010:s Sámi Allaskuvllas.

Girjji teaksta lea heivehuvvon láidehussan sámeoahpahusa kulturhearkkes dili guorahallama ja oahpahuslágiidemiid váras.

Juohke riikkas, gos sámit orrot, leat jođus doaimmat ovddidit sámeoahpahusa. Girji lea oaivvilduvvon skuvlaovddidandoaimmaide doarjjan ja movttiidahttima váras seammás go dat addá dieđuid Norgga beale sámeoahpahusa birra.

Girji heive earret eará studeanttaide, oahpaheaddjiide, politihkkariide ja sámevánhemiidda sihke buohkaide guđet beroštit sámeoahpahusa ovddidanvejolašvuođain ja čuolmmain.

Girjjis guorahallá čálli ee. dáid beliid:

Mo oahpahus lihkostuvvá geasuhit mánáid ja nuoraid nu ahte sii šaddet aktiivvalaččat ja hutkái servodagas? Mo skuvla válbme oahppiid jearahit ja leat diehtoáŋgirat? Mo skuvla lihkostuvvá ovddidit oahppiid ipmárdusa, njálmmálaš ja čálalaš gálggaid ja dáidduid ja áhpiid? Leago skuvla lihkostuvvan láhčit oahppama nugo oahppoplánat ávžžuhit? Dát girji guorahallá sámi skuvllaid oahppama lágideami kultursensitiiva oaidninvuogis. Girji lea maid ovdamearka das, mat bealit gullet sámi skuvlla dutkamii.

Čálli

Pigga-Keskitalo

Pigga Keskitalo

Pigga Keskitalo (r. 1972) lea Sámi allaskuvlla oahpaheaddjeoahpu vuosttašamanuensa ja Helssega universitehta bajásgeassindiehtagiid doseanta. Son lea nákkáhallan pedagogihka doavttirin Lappi universitehtas jagi 2010. Nákkosgirji gieđahalai sámi skuvllaid ja oahppoplána. Keskitalo lea bargan jagi 1999 rájes sámi oahpaheaddjeoahpus. Son lea bajásšaddan Njuorggámis Deanu leagis. Keskitalo lea almmuhan sámi skuvlengažaldagain girjjiid ja artihkkaliid. Son jođihii sámi vuođđoskuvlaoahpaheaddjeoahpu mastera 1–7 ja 5–10 rámmaplánalávdegotti jagi 2016, ja jođiha dál masteroahpuid mat álge borgemánus 2017.

 

Digitála sátnegirji

533.davvi.no

Sajus web-portála

sajus-web

Arkiiva

Čállinmielas

skrive

Ammal don liikot čállit? Leago dus álo leamaš miella čállit girjji?

Loga eanet

Beroštat go girjjálašvuođas?

Nieida calla

Háliidat go árvvoštallat buktagiid maid mii leat buvttadan?

Loga eanet

Oktavuohta

Davvi Girji as
Postboks 13, Ivvar Ivvár geavli 36
N9735 Kárášjohka / Karasjok
NORWAY
Telefon: (+47) 78469500
E-mail: davvi@davvi.no
Bankgiro: 4901 10 22137
IBAN: NO8649011022137
SWIFT: SNOWNO22

Ođasreive


Navigašuvdna


Ohcansátni
Kategoriija :
Subcategory :

Released :

Language :

Target Group :