Davvi Girji

Du gálvogore




Du gore lea guorus.

   

Home Dieđut Čállit Kirste Paltto
Sami (Norway)
Kirste Paltto PDF Čálit
duorastaga 28. cuoŋománu 2011 14:33

Kirste-Paltto

Kirsti Paltto lea riegádan 1947:s ja bajásšaddan Fierranjogas Deanuleagis Ohcejoga gielddas. Kirste ássá dál Roavvenjárggas. Son lea sámi vuosttas nissončálli, ja sus almmustuvai vuosttas noveallačoakkáldat Soagŋu jagis 1971. 1975:s son mearridii čálligoahtit ollesáiggis ja dajai:

… lea hui somá čállit iežas gillii man beare fáttá birra almmi ja eatnama gaskkas. Muhto olmmoš duođaid ferte jáhkkit ja luohttit iežas bargui

1980:s čálii Kirste Paltto vuosttas mánáidromána, Vilges geađgi, sámegillii. Son lea čállán ja almmustahttán 20 girjji ja guoktelogivuosttas girji lea jo boađi-boađi. Kirste lea sámi girječálliin dat guhte lea buvttadan eanemus iešguđetlágán čállosiid – románaid, noveallaid, mánáidgirjjiid, diktagirjjiid, gullugovaid, teáhterčájálmasaid – sihke mánáide, nuoraide ja ollesolbmuide. Su girjjálašvuohta lea jorgaluvvon earret eará suoma-, dáro-, duiskka- ja eaŋgalsgillii.

Paltto oaččui Suoma Sámedikki girjjálašvuođa bálkkašumi 1995:s ja riikkaidgaskasaš Helen-bálkkášumi earret eará iežas barggu ovddas seailluhit ja ovddidit sámegiela ja kultuvrra čállima bokte. Noveallačoakkáldat Suoláduvvan lea jorgaluvvon dárogillii (Stjålet) ja lei Davviriikkalaš Ráđi girjjálašvuođabálkkašumi evttohassan 2001:s. Čuovvovaš jagi son oaččui Sámiráđi girjjálašvuođabálkkašumi seamma girjji ovddas.

Jagis 2016 almmustahtii Davvi Girji mánáidgirjji Luohtojávrri oainnáhusat davvisámegillii. Sunna Kitti lea lea sárgon govaid girjái.

Bibliografiija

Románat ja noveallat

  • Soagŋu (1971), noveallat
  • Risten (1981), noveallat
  • Guhtoset dearvan min bohccot (1987), romána
  • Guovtteoaivvat nisu (1989), noveallat
  • Guržo luottat (1991), romána
  • 256 golláža (1992), romána
  • Suoláduvvon (2001), noveallat
  • Násttit muohtagierragis (2007), romána
  • Gávdnui guhkkin váris (2014), romána

Mánáid- ja nuoraidgirjjálašvuohta

  • Vilges geađgi (1980)
  • Go Ráhkun bođii Skáhpenjárgii (1982)
  • Golleozat (1984)
  • Dávggáš ja násti (1988)
  • Divga (1990)
  • Urbi (1994)
  • Ája (2007)
  • Ále fal muital (2013)
  • Luohtojávrri oainnáhusat (2016)

Divttat

  • Riđđunjárga (1979)
  • Beaivváža bajásdánsun (1985)
  • Beštoriin (1997)

 

Digitála sátnegirji

533.davvi.no

Sajus web-portála

sajus-web

Arkiiva

Čállinmielas

skrive

Ammal don liikot čállit? Leago dus álo leamaš miella čállit girjji?

Loga eanet

Beroštat go girjjálašvuođas?

Nieida calla

Háliidat go árvvoštallat buktagiid maid mii leat buvttadan?

Loga eanet

Oktavuohta

Davvi Girji as
Postboks 13, Ivvar Ivvár geavli 36
N9735 Kárášjohka / Karasjok
NORWAY
Telefon: (+47) 78469500
E-mail: davvi@davvi.no
Bankgiro: 4901 10 22137
IBAN: NO8649011022137
SWIFT: SNOWNO22

Ođasreive


Navigašuvdna


Ohcansátni
Kategoriija :
Subcategory :

Released :

Language :

Target Group :