Davvi Girji

Du gálvogore




Du gore lea guorus.

   

Home
Sami (Norway)
Oastindieđut PDF Čálit
bearjadaga 23. golggotmánu 2009 16:57

Buktagat ja hattit

Buvttadieđut

Eanet dieđut ovttaskas buktaga birra gávnnat go coahkkalat buktaga gova dahje dasa gulli liŋkka (“Buvttadieđut")

Hattit

Buot hattit leat norgga kruvdnan lassidivada haga. Ollislaš oastinsubmi ihtá ovdal go diŋgot ja das leat mielde buot oastingolut nugo poastamávssut, frákta jna. ja lassiárvodivat jus lágidančujuhus lea Norggas.

Olgoriikii sáddejumiin ii leat lassiárvodivat. Kunddar ferte dalle ieš tullehit páhka gustojeaddji riikka njuolggadusaid mielde.

Várašeapmi

Mii várašit vejolaš deaddilanmeattáhusaid gálvvuid/bálvalusaid hattiid ja dieđuid birra siidduin. Váldde oktavuođa minguin jus ležžet jearaldagat. Mii háliidat veahkehit du ja addit dutnje bureslihkostuvvan gávppašeami!

Vuovdin- ja lágidaneavttut

Doaimmaheapmi

Dábálaččat sáddet mii gálvvuid 3 bargobeaivvi siste maŋŋá go diŋgojumi leat ožžon. Jus gálvu lea nohkan, de oastin bissehuvvo, ja oastái dieđihuvvo dán birra e-poastta bokte.

Vieččakeahtes páhkat

Davvi Girji sádde 250-kruvdnasaš rehkega diŋgojumiid ovddas mat eai vižžojuvo poastakantuvrras.
Dát gokčá barggu ja goluid páhkkema, árvogahčama, faktuerema ja vieččakeahtes páhkaid ruovttoluottasáddema olis. Sáddengoluid ovdan ruoktot ja vejolaš poastalotnunsáttasupmi lasihuvvo maiddái rehkegii.

Frákta

Mii sáddet gálvvuid Poastta mielde kundara diŋgojuvvon vuogi mielde. Fráktagoluid rehkenastit Poastta gustojeaddji máksomeriid mielde.

Jus lágidančujuhus lea Norggas, de sáhttá kunddar válljet iešguđetlágan lágidanmolssaeavttuin (gč. vuolábealde), lágideapmi olgoriikii dáhpáhuvvá álo poastta erenoamáš olgoriikabálvaluspáhkaid vuođul. 

Molsašuddi lágidanvejolašmetodat Norggas:

Fitnodatpáhkka uvssas-uksii

Dát dábálaččat ádjána 3 bargobeaivvi.

Viežžan min luhtte lea buot beivviid vuossárggas bearjadahkii. Vuodjin vuostáiváldiide: buot beivviin vuossárggas bearjadahkii. Allabasiid áiggiid sáhttá ádjánit guhkit.

Bálvaluspáhkka

Fievrridanáigi lea 1 gitta 7 beaivvi, sorjavaš gaskkas. Váldde oktavuođa jus juoga leaš eahpečielggas frávtta ektui. 

Máksin

Mii gáibidat mávssu gálvvu ovddas das rájes go mii sáddet dan kundarii. Kredihttakundarat ožžot faktura maŋistaga.

Rehketsádden gielddalaš, fylkagielddalaš dahje stáhtalaš ásáhussii – rehketreferánsagáibádus

Diŋgojumit, main rehket sáddejuvvo muhtun bajábealde namahuvvon ásahussii, galget leat merkejuvvon dohkkehuvvon rehketreferánssain. Jus dakkár ii leat čállon, ii diŋgojupmi sáddejuvvo ovdal go dat lea dahkkon.

Persondieđut

Davvi Girji gieđahallá persondieđuid Lov om Personopplysninger-lága mielde. Dieđut maid sáhttá dutnje persovnnalaččat čatnat, eai almmuhuvvo goassige eará doaimmaide eaige čadno makkárge olgguldas registariidda.

Koartadieđut

Go don gávppašat Davvi Girjjis, de mávssu gieđahallá DIBS dahje PayPal, mat leat Visa ja MasterCard/Eurocard sihkkaris elektrovnnalaš máksinčovdosat. Buot koartadieđut vurkejuvvojit koartafitnodagaid njuolggadusaid mielde.

http://www.dibs.no

http://www.paypal.com

Gálvvuid máhcaheapmi

Diŋgonmáhcaheapmi

Jus háliidat máhcahit diŋgoma, de fertet 1 jándor siste dan rájes go diŋgojumi sáddejit, addit čálalaš dieđu Davvi Girjái dán e-postii: web(a)davvi.no.

Reklamašuvdna

Jus fuobmát ahte leat ožžon boasttu gálvvu dahje sáddejuvvon gálvvus lea buvttadanboasttuvuohta go vuostáiválddát gálvvu, de sáhtát máhcahit dán. Gálvvu máhcaheapmi eará sivaid geažil sáhttit maiddái dohkkehit nu guhká go dát dahkko mielddusin biddjon skoviid mielde: dahkat ruovttugávppi, gáhtanvuoigatvuođa atnin dahje eará reklamašuvdna ja máhcaheapmi. 

Atte Davvi Girjái čálalaš dieđu e-poastta bokte ahte háliidat čujuhit váilevašvuhtii. Davvi Girji addá dalle dutnje dieđu mo viidáset bargat. Galggat dattetge deavdit máhcahanskovi mii galgá máhcahuvvot oktan gálvvuin.

Máhcahanskovvi Sámegillii / Dárogillii

Reklamašuvnna njuolggadusat gávdnojit Lov om forbrukerkjøp-lágas (Geavahusoastoláhka).

Jus fuobmát ahte leat ožžon boasttu gálvvu dahje sáddejuvvon gálvvus lea buvttadanboasttuvuohta go vuostáiválddát gálvvu, de sáhtát máhcahit dán. Gálvvu máhcaheapmi eará sivaid geažil sáhttit maiddái dohkkehit nu guhká go dát dahkko mielddusin biddjon skoviid mielde: dahkat ruovttugávppi, gáhtanvuoigatvuođa atnin dahje eará reklamašuvdna ja máhcaheapmi. Buot máhcaheamit galget dahkkot min skoviid máinnašuvvon njuolggadusaid mielde.

Gáhtanvuoigatvuohta

Gáhtanvuoigatvuođalága mielde gusto gáhtanáigemearri das rájes go oasti oaččui gálvvu ja 14 beaivvi ovddasguvlui. Jus háliidat gáhtat oastima, de sáddet gálvvu ruovttoluotta midjiide seamma stánddas go lei go ožžot dan ja bijat mielddusin devdon gáhtanvuoigatvuođaskovi (mii čuovui páhkas), don oaččot máksot ruovttoluotta dan maid leat máksán. Oasti máksá máhcahanpoastamávssu. Geahča dievasmahtti dieđuid gáhtanvuoigatvuođaskovis.

Jus oasti ii leat ožžon gáhtanvuoigatvuođaskovi čálalaččat dahje eará bistevaš gaskaoami bokte (omd. vieččahahtti siidun websiiddus, e-poasttas, CD:s dahje DVD:s), de maŋiduvvo gáhtanáigemearri 3 mánnui. Gáhtanvuoigatvuođaskovis galgá čuožžu diehtu goas skovvi vuostáiváldui. Gáhtanvuoigatvuohta gusto geavahusoasttus, geavahusoastoláhka ii gusto fitnodagaide vuovdimii. Gáhtanskovi sáhtát viežžat vuollelis.

Gáhtanskovvi SámegilliiDárogillii

Dáhkádus

Davvi Girji dáhkida ahte gálvvuin maid mii sáddet dutnje, eai leat oinnolaš sivat, eai ge makkárge váilevašvuođat. Jus dattetge leaš juoga ja háliidat cuoigut sivaid, de fertet midjiide dieđihit dán birra vajot go leat ožžon gálvvu. Vejolaš boasttuvuohta/sivva mii lea čuožžilan fievrrideaddji páhka gieđahallama geažil, fertet dieđihit fievrrideaddjái.

 

Digitála sátnegirji

533.davvi.no

Sajus web-portála

sajus-web

Arkiiva

Čállinmielas

skrive

Ammal don liikot čállit? Leago dus álo leamaš miella čállit girjji?

Loga eanet

Beroštat go girjjálašvuođas?

Nieida calla

Háliidat go árvvoštallat buktagiid maid mii leat buvttadan?

Loga eanet

Oktavuohta

Davvi Girji as
Postboks 13, Ivvar Ivvár geavli 36
N9735 Kárášjohka / Karasjok
NORWAY
Telefon: (+47) 78469500
E-mail: davvi@davvi.no
Bankgiro: 4901 10 22137
IBAN: NO8649011022137
SWIFT: SNOWNO22

Ođasreive


Navigašuvdna


Ohcansátni
Kategoriija :
Subcategory :

Released :

Language :

Target Group :